Жаралардың қандай түрлері болады?

Жаралардың барлығы бірнеше түрге бөлінеді:

• Тырналған және сырылған тері. Мұндай жағдайда терінің тек үстіңгі қабаты ғана зақымдалады. Сырылған тері мен тырналуларды біз күнделікті кездестіреміз, әсіресе отбасында балалар болған жағдайда. Мұндай жағдайда зақымданған жерді өңдеген жеткілікті және медициналық көмекке жүгіндбеуге де болады.
• Кесілген жерлер. Сызаттарға қарағанда кесілген жер қаттырақ қанталайды, себебі жарақат түскен жер тереңірек болады да, қан тамырлары кесіледі. Шағын кесілген жерлерді сызаттарды өңдеген сияқты өңдейді.
• Тырналған жерлер. Қасынған кезде пайда болады. Мысалы, маса немесе шіркей шаққан кезде.

Ұсақ жаралар мен сырылған теріні қалай дұрыс өңдеу керек?

Жаралар мен сызаттарды мүмкіндігінше ертерек өңдеу керек – бұл жұқпаның түсу қатерін азайтады. Кейбір жараларды өз бетіңізбен емдеуге болады, ал кейбіреулерін дәрігерге көрсеткен дұрыс. Іс-әрекеттеріңіз үш сатыдан тұруға тиіс:

1. Зақым келген жерді тазалау (жараға жұқпа түсуіне жол бермеу үшін оның бетіндегі ласты, топырақты және басқа да бөгде заттарды кетіру).
2. Зарарсыздандыру – жұқпа түсуінен қорғау, себебі дәл осы жұқпа соңынан қабынуға әкеліп соқтыруы мүмкін.
3. Жазыла бастауы – терінің барынша жылдам қалпына келуі үшін жараны жазатын дәрі-дәрмектерді дер кезінде қолданудың маңызы зор. Сонымен қоса, жараны емдеуді дер кезінде бастаса, бұл әдетте жараның орнында тыртық пен шор түзілуіне әкелмейді.